У аварыі загінулі дакументалісты, якія з валанцёрамі дапамагалі беларускім медыкам
16- 15.05.2020, 16:07
- 35,216
Страшная аварыя адбылася на трасе «Менск-Гомель».
Увечары 14 траўня ў Пухавіцкім раёне здарылася аварыя - сутыкнуліся Rover і Citroen. У выніку загінулі хлопцы, якія разам з валанцёрамі ByCovid19 развозілі дапамогу беларускім медыкам, а таксама здымалі дакументальны фільм. Смерць хлопцаў пацвердзіў Андрэй Стрыжак, сузаснавальнік і сукаардынатар праекта ByCovid19.
«Папярэдне ўстаноўлена, што сутыкненне адбылося, калі кіроўца Rover выехаў на сустрэчную паласу руху на 43 км трасы М-5 і сутыкнуўся з аўтамабілем Citroen а 19:40 гадзін 14 траўня. Следствам устаноўлена, што ў выніку дарожна-транспартнага здарэння загінулі 33-гадовы кіроўца і 26-гадовы пасажыр Citroen, а таксама 20-гадовы жыхар Гомеля, які кіраваў аўтамабілем Rover», - паведамляе Следчы камітэт у сваім тэлеграм-канале.
Публикую эту фотографию в память о Вове и Максиме.
— Дед Пихто (@Dedoooshka) May 15, 2020
Завтра еду к Вове в Бобруйск. Из личных денег собираем помощь семьям Вовы, Максима и Любе.
Максим Гавриленко — погиб.
Вова Михайловский — погиб.
Люба Земцова — в реанимации.
ВЕЧНАЯ ПАМЯТЬ. pic.twitter.com/ziv7OuRtgf
Ад каардынатара праекта ByCovid19 Андрэя Стрыжака стала вядома, што ў аварыі загінулі Максім Гаўрыленкі і Уладзімір Міхайлоўскі. З хлопцамі ў аўтамабілі таксама была рэжысёрка Любоў Зямцова - яна знаходзіцца ў рэанімацыі. Учора хлопцы разам з іншымі валанцёрамі развозілі дапамогу ў лякарні і здымалі дакументальны фільм аб іх працы. Андрэй Стрыжак кажа, што гэта была адна з многіх супольных паездак.
Пахаванне адбудзецца 16 траўня ў Бабруйску. Развітанне пройдзе апоўдні ў рытуальнай зале на вул. Ракасоўскага, 78, паведамілі ў Facebook знаёмыя загінулых.
