Відэафакт: Бабруйчанін працягнуў грузавік вагой 14,5 тоны

Ён мае намер паспрабаваць зрушыць самалёт.

Дзмітрый Куракін 31 год, ён трэніруецца пяць разоў на тыдзень і перыядычна кідае выклік сваім фізічным магчымасцям. Гэтым разам мэтай спартоўца стаў грузавік, піша mogilev.online.

- У мой дзень нараджэння, 11 траўня, мне патэлефанаваў сябар і прапанаваў рэалізаваць даўнюю ідэю - працягнуць грузавік, - распавядае Дзмітрый. - Я даўно хацеў паспрабаваць гэта зрабіць і адразу пагадзіўся. У той жа дзень на стаянцы па вуліцы Арджанікідзэ, каля крамы «Практык», мы ўсё арганізавалі. Мой таварыш Арцём працуе дальнабойнікам, яго грузавік «Volvo» я і працягнуў. Сам Арцём у гэты час сядзеў за стырном. Мы прагрэлі рухавік. Калі я пачаў працягваць грузавік, ён стаў каціцца па інэрцыі, таму Арцём у патрэбны момант націснуў на тормаз, каб фура не пакацілася на мяне. У якасці мацавання я выкарыстаў звычайныя рамяні для сцяжкі. А перада мной для апоры ўсталявалі легкавы аўтамабіль на ручным тормазе, на які таксама замацавалі трос.

Гэта не першы эксперымент Дзмітрыя. У кастрычніку мінулага года ён за адну хвіліну 10 раз перакуліў шыну вагой 270 кг. Для параўнання: вага самога спартоўцы - 80 кг.

Са слоў Дзмітрыя, тады ён хацеў праверыць сябе і прарэкламаваць якасную прадукцыю «Белшыны», прадпрыемства, на якім працуе. Рэкорд быў зарэгістраваны міжнародным агенцтвам рэгістрацыі рэкордаў «Інтэрэкорд». Гэта найбуйнейшая незалежная арганізацыя, створаная як альтэрнатыва "Кнізе рэкордаў Гінеса».

Дзмітрый ужо даўно займаецца змешанымі адзінаборствамі, пяць разоў на тыдзень трэніруецца, бегае кросы, ходзіць у трэнажорную залю, таму спецыяльнай падрыхтоўкі для эксперыменту з грузавіком яму не спатрэбілася.

- Калі трэніравацца, весці правільны лад жыцця, то чалавек можа шмат чаго дасягнуць, - уважае ён. - Для мяне галоўнае, што я прыклад для сваёй сям'і, сваіх сыноў Марата і Міраслава. Хто звычайна можа перацягнуць машыну? Толькі супергероі ў мультфільмах.

Наступнай мэтай Дзмітрый пакуль не ставіць, але адзначае з усмешкай:

- Можа, калі-небудзь паспрабую зрушыць самалёт.