Касмічны апарат сфатаграфаваў Зямлю на адлегласці восем мільёнаў кіламетраў

Паслядоўнасць фатаграфій ахоплівае перыяд з 13 красавіка да 5 траўня.

Касмічны апарат BepiColombo зрабіў захапляльныя здымкі Зямлі з адлегласці 8 мільёнаў кіламетраў. Пра гэта паведамляе Cnet, піша focus.ua.

Здымкі былі зробленыя на шляху апарата да Меркурыя. Фатаграфіі Зямлі былі апублікаваныя Еўрапейскім касмічным агенцтвам (ESA), на якіх відаць, як планета ўсё больш аддаляецца па меры прасоўвання наперад BepiColombo.

Паслядоўнасць фатаграфій ахоплівае перыяд з 13 красавіка да 5 траўня. Яна пачынаецца з адлегласці 1,3 млн км і заканчваецца 8 млн км.

Акрамя Зямлі, якая выглядае як далёкі паўмесяц, таксама бачныя сонечныя батарэі апарата.

BepiColombo - гэта супольная місія ESA і японскага касмічнага агенцтва JAXA. У місіі задзейнічаны два касмічныя апараты, якія вандруюць разам. Навукоўцы спадзяюцца, што місія пралье святло на склад Меркурыя, яго прыроднае асяроддзе і магнітнае поле.

Апарат BepiColombo быў запушчаны ў канцы 2018 года і знаходзіцца на шляху да Меркурыя. Чакаецца, што мэта будзе дасягнутая ў 2025 годзе. Яго аблёт Зямлі ў красавіку быў распрацаваны для таго, каб вывесці апарат на неабходную траекторыю палёту да Меркурыя.