Каранавірус выявілі ў беларуса, які прыехаў на заробкі на Сахалін
6- 17.05.2020, 15:43
- 15,476
Ён трапіў у лякарню як кантакт першага ўзроўню.
Каранавірусную інфекцыю пацвердзілі ў грамадзяніна Беларусі, які цяпер знаходзіцца ў Расеі. Беларус стаў адным з 51 тых, хто захварэў на COVID-19 на Сахаліне. Пра гэта ў сваім афіцыйным тэлеграм-канале распавёў губернатар Сахалінскай вобласці Расеі Валерый Лімарэнка, паведамляе «Еўрарадыё».
- Нягледзячы на выходны, прадаўжаюць працаваць многія жыццёва важныя ўстановы. Сёння з лабараторыі прыйшло пацверджанне яшчэ аднаго станоўчага аналізу на каранавірус. Захворванне выяўленае ў жыхара Беларусі, які прыехаў на востраў для працы, - распавёў губернатар.
Беларус трапіў у лякарню як кантакт першага ўзроўню (у Расеі іх называюць асобамі блізкага кантакту з іншымі хворымі). Там ён здаў тэст, і COVID-19 быў выяўлены ў яго самога.