S&P: Савудаўская Арабія адновіць нафтавую вайну супраць РФ у 2021 годзе

Саўдзіты працягнуць выціскаць расейскую нафту, як толькі рынак «выздаравее» ад каранавіруса.

Угода ў скарачэнні здабычы, складзеная Савудаўскай Арабіяй і Расеяй у рамках пагаднення АПЕК+, можа стаць толькі кароткім перамір'ем у «цэнавай вайне», развязанай саўдзітамі ў сакавіку, папярэджвае S&P Global Ratings.

Эр-Рыяд можа вярнуцца да практыкі двухзначных зніжак на сваю нафту, выціскаючы з рынку расейскіх канкурэнтаў, як толькі сітуацыя з цэнамі нармалізуецца. «У гэтай вайне ўзятая нейкая паўза. Абодвум гульцам - уласна, і Савудаўскай Арабіі, і Расеі - нявыгадна ў гэтай сітуацыі працягваць гэтую цэнавую вайну», - цытуе ТАСС дырэктара кірунку карпаратыўных рэйтынгаў S&P Global Ratings у Расеі Аляксандра Гразнова.

З яго слоў, вайна за рынкі можа аднавіцца, калі нафтавыя катыроўкі вернуцца да 50-55 даляраў за барэль, паведамляе finanz.ru.

Згодна з прагнозам S&P, гэта можа здарыцца ўжо ў 2021 годзе. На гэты год у агенцтве чакаюць сярэднюю цану Brent у 30 даляраў за бочку з наступным ростам да 50-55 даляраў у 2021-22 гг.

Нагадаем, Савудаўская Арабія вярнулася да практыкі дэмпінгу пасля таго, як Расея адмовілася скарачаць здабычу нафты на пасяджэнні АПЕК+ у пачатку сакавіка, шакаваўшы блізкаўсходніх нафтавых міністраў, аналітыкаў рынку і нават расейскіх нафтавікоў.

Красавіцкія партыі дзяржаўная нафтавая кампанія каралеўства Saudi Aramco пачала прадаваць з рэкорднымі зніжкамі - 7 даляраў для Азіі і 10,25 даляра для Еўропы, дзе савудаўская нафту канкуруе з расейскай Urals. Адначасова Эр-Рыяд на чвэрць павялічыў здабычу (да 12,3 млн барэляў у дзень) і амаль удвая - экспарт (да 10 млн барэляў у дзень).

Гэтаму папярэднічала тэлефонная размова паміж наследным прынцам Махамедам бен Сальманам і прэзідэнтам Уладзімірам Пуціным, які праходзіў на падвышаных танах і быў успрыняты «вельмі асабіста», распавялі The Middle East Monitor крыніцы з савудаўскага боку.

Перад званком Пуціну прынц звязаўся са старэйшым дарадцам прэзідэнта ЗША Джарэдам Кушнерам. Той даведаўся пра савудаўскія планы і не стаў накладваць на іх вета, паведаміла крыніца MEMo.

Запаўняючы сховішчы пры адсутным попыце, які раптоўна абрынуўся на 25%, саўдзіты абрынулі цэны фізічнай нафты ў Еўропе амаль да ўзроўняў дэфолту Расеі ў 1998 годзе: Urals падала да 10,5 даляра. У ЗША нафтавы рынак перажыў інсульт з падзеннем катыровак да беспрэцэдэнтных мінус 37 даляраў за барэль WTI.

У траўні Савудаўская Арабія павялічыла зніжкі нафты, ударыўшы па азіяцкаму рынку, дзе расейскія нафтавікі шукалі паратунку ад карантыну ў Еўропе. У выніку кошты пасыпаліся і там: Сахалінскі гатунак Sokol, які заўсёды таргаваўся з прэміяй да бенчмаркаў Oman/Dubai, давялося прадаваць на 10 даляраў танней.

Хоць новае пагадненне АПЕК + увайшло ў дзеянне з 1 траўня, фактычная «паўза» ў цэнавай вайне стартуе толькі з 1 чэрвеня: на савудаўскія адгрузкі ў гэтым месяцы рэзка вырастуць цэны для ўсіх рынкаў.

Вайна аб'ёмаў прынесла савудзітам немалыя плады. Паводле звестак Bloomberg, у красавіку савудаўскія пастаўкі ў Кітай выраслі ўдвая, у ЗША - дасягнулі 1 млн барэляў у дзень, максімуму са жніўня 2018 года.

На найбуйнейшы нафтавай хаб паўночна-заходняй Еўропы - Ратэрдам - у красавіку паступіла 1,42 млн тон савудаўскай нафты - удвая больш, чым у сакавіку.

Пастаўкі расейскага гатунку Urals, насупраць, абрынуліся на 41%, да 935 тысяч тон. Польшча практычна цалкам адмовілася ад марскіх паставак сыравіны з Расеі. Толькі адна партыя памерам 66,5 млн тонаў прыбыла ў порт Гданьска ў красавіку, што амаль у 6 разоў ніжэй за сакавіцкія закупкі (377 тысяч тон).

Пастаўкі савудаўскай нафты ў Польшчу пры гэтым выраслі на чвэрць - з 398 да 500 тысяч тон.

Змагацца за рынак расейскім нафтавікам аказалася складана: у канцы красавіка пастаўкі ў Еўропу сталі стратнымі з улікам выдаткаў на транспартаванне. Так, 28 траўня барэль Urals з адгрузкай з Наварасейску на аўторак, 28 красавіка, каштаваў 16,83 даляра за барэль.

Пры гэтым экспартныя мыты спаганяліся зыходзячы з цэнаў канца лютага і пачатку сакавіка і складалі 52 даляры за тону. У выніку кожны барэль, прададзены праз Прыморск, прыносіў 8,13 даляра страты, а праз Наварасейск - 6,51 даляра, падлічыў Reuters.