Адразу два футбалісты «Тарпеда-БелАЗ» заразіліся каранавірусам
1- 21.05.2020, 14:40
- 28,406
Пад падазрэннем яшчэ некалькі гульцоў жодзінскага клуба.
Як стала вядома Tribuna.com, у брамніка «Тарпеда-БелАЗ» Уладзіміра Бушмы і хаўбека Міхаіла Афанасьева станоўчыя тэсты на каранавірус.
Таксама пад падазрэннем знаходзяцца яшчэ некалькі футбалістаў асноўнага складу. Яны не будуць удзельнічаць у сённяшнім матчы з «Нёманам».
У клубе ад каментароў у гэтых пытаннях адмовіліся.
Нагадаем, раней паведамлялася, што перанесены матч дублявальных камандаў. Паядынкі, якія павінны былі адбыцца 19 і 22-га траўня адпаведна, перанесеныя на больш позні тэрмін. Пра прычыны пераносу нічога не паведамлялася. Паблік аўтазаводцаў растлумачыў аднаму з заўзятараў, што перанос не звязаны з эпідэміялагічным становішчам, а з пытаннямі навучання ў некаторых гульцоў.