Парламент Малдовы прызначыў прэзідэнцкія выбары на 1 лістапада
- 21.05.2020, 16:02
- 10,445
За гэтую дату прагаласавалі 50 дэпутатаў з прысутных 97.
Парламент Малдовы прызначыў прэзідэнцкія выбары на 1 лістапада 2020 года.
Як паведамляе Newsmaker, за адпаведную пастанову прагаласавалі 50 дэпутатаў з прысутных 97.
Тэрмін паўнамоцтваў прэзідэнта краіны мінае 23 снежня 2020 года.
З 23 снежня 2016 года прэзідэнтам Малдовы з'яўляецца Ігар Дадон, вядомы сваімі прарасейскімі поглядамі. Тэрмін паўнамоцтваў прэзідэнта Малдовы - чатыры гады. Адна і тая ж асоба не можа займаць пасаду прэзідэнта больш за два тэрміны запар.