У Салігорску памёр лекар
2- 22.05.2020, 15:26
- 24,119
У яго былі сімптомы каранавіруса.
У Салігорску памёр лекар цэнтральнай раённай лякарні Уладзімір Іванавіч Пісарык. Калегі называюць яго чалавекам з вялікай літары і кіраўніком ад Бога. Ад чаго менавіта памёр медык, не тлумачаць, спасылаючыся на медычную таямніцу. Паводле інфармацыі tut.by, тэст на каранавірус у яго быў адмоўны, хоць сімптомы захворвання былі.
- Ён ніколі не пакідаў без увагі нашы просьбы, ён стараўся дапамагаць і чужым, і сваім. Мы запомнілі яго вельмі спагадным, душэўным чалавекам. У працы ён быў спецыяліст з вялікай літары: пісьменны, эрудзіраваны, старанны і разумны. Гэта была хадзячая энцыклапедыя, на кожнае пытанне - правільны адказ, - кажа загадчыца кабінета ўліку і статыстыкі Салігорскай ЦРБ Аліна Пяткевіч.
З яе слоў, Уладзімір Іванавіч, доўгі час працаваў намеснікам галоўнага лекара ў працы з насельніцтвам, потым выйшаў на пенсію і цягам двух апошніх гадоў працаваў загадчыкам арганізацыйна-метадычнага кабінета. Яму было 63 гады. У аўторак, 19 траўня, яго пахавалі.
- Гэта быў чалавек з вялікай літары, кіраўнік ад Бога. Мы ўсе плачам, - кажа суразмоўца.
Ці быў у медыка каранавірус, у шпіталі не гавораць, спасылаючыся на медычную таямніцу. Медык ляжаў у рэанімацыі.