Ад каранавіруса памёр 50-гадовы работнік Менскага аўтамабільнага завода
2- 22.05.2020, 16:15
- 23,009
Без бацькі засталіся двое дзяцей-падлеткаў.
Чытачы тэлеграм-канала «Баста!» паведамляюць пра смерць ад каранавіруса 50-гадовага работніка Менскага аўтамабільнага завода. Хварэла таксама ягоная жонка, але яна акрыяла.
«Блізкая сяброўка працуе на Менскім аўтамабільным заводзе, - піша чытач. - Учора размаўлялі, распавяла, што памёр металург Аляксандр С., яму было блізу 50 гадоў. Здаровы, дужы мужчына. Жонка таксама балела, справілася з вірусам, а ён не.
Засталося без таты двое дзяцей, 10 гадоў і 13 гадоў.
Пасля таго, як яны захварэлі, да іх на працу прыязджалі, бралі тэсты у кантактаў першага ўзроўню».
Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.