АБФФ заклікае клубы маўчаць пра сітуацыю з каранавірусам
4- 22.05.2020, 16:05
- 34,038
Заражаныя футбалісты ёсць ужо як мінімум у трох беларускіх камандах.
Дом футбола разаслаў клубам падрабязныя рэкамендацыі, як праводзіць працу ва ўмовах пандэміі каранавіруса. Прадстаўнік федэрацыі футбола, як і адзін з клубаў, пацвердзілі сапраўднасць дакумента tut.by.
Дакумент узгоднены з дырэктаркай ДУ «Рэспубліканскі навукова-практычны цэнтр спорту» Малёванай Ірынай Анатольеўнай.
Нагадаем, у траўні ў клубах, якія выступаюць у вышэйшай лізе, некаторыя футбалісты злеглі з падазрэннем на каранавірусную інфекцыю. «Мінск» прапусціў ужо два туры. Кіраўніцтва ідзе на кантакт з прэсай вельмі неахвотна.
Таксама падазрэнні на хваробу гульцоў ёсць у «Іслачы» і «Тарпеда-БелАЗа».
Цікава, што сярод захадаў рэкамендуюць выключыць усе кантакты з прэсай.
Сярод іншых захадаў у арганізацыі супрацьэпідэмічных мерапрыемстваў значацца:
- абмежаваць знаходжанне спартоўцаў у месцах збору людзей, карыстанне грамадскім транспартам, строга выконваць сацыяльную дыстанцыю. Пры неабходнасці наведвання грамадскіх месцаў выкарыстоўваць сродкі індывідуальнай абароны (маскі, пальчаткі, антысептыкі);
- у выпадку пацверджання наяўнасці каранавіруснай інфекцыі ўстанаўліваюцца кантакты першага ўзроўню (якія пражываюць у адной кватэры, пакоі, блоку інтэрната) і кантакты другога ўзроўню (якія маюць магчымы кантакт па месцы пражывання, работы);
- кантакты першага ўзроўню з адмоўнымі вынікамі тэставання прадаўжаюць удзел у трэніровачным працэсе і гульнях чэмпіянату;