У цэнтры Віцебска працоўныя выявілі цікавыя артэфакты
1- 23.05.2020, 15:18
- 23,196
Цяпер за працамі на аб'екце назірае археолаг.
У гістарычным цэнтры Віцебска, у раёне вуліцы Талстога, працоўныя пракладалі траншэю і выявілі цікавыя артэфакты. З усходняга краю ў ёй заўважылі сцяну знесенага будынка, а з паўночнага боку адкрыліся скляпеністыя праёмы, складзеныя з старадаўніх цаглінаў, паведамляе «Еўрарадыё».
Насупраць уваходу ў Васкрасенскую царкву працоўныя ўскрываюць пракладзеную тут раней цеплатрасу. Пры гэтым побач з ёй на здымках можна заўважыць тры незвычайныя прадметы, якія нагадваюць чалавечыя чарапы.
Што будзе з знаходкамі далей, пакуль не ясна. Як паведамляе news.vitebsk.cc, працамі на аб'екце займаецца ТАА "АКК Цеплабуд". За імі, паводле словаў кіраўніка, назірае археолаг Аляксей Беларусаў.