У нядзелю адкрыецца храм Труны Гасподняй у Ерусаліме
- 23.05.2020, 17:22
- 10,413
Храм адкрыецца пасля двух месяцаў карантыну.
У нядзелю, 24 траўня, пасля двух месяцаў карантыну, адкрыецца храм Труны Гасподняй у Ерусаліме, паведамляе newsru.co.il са спасылкай на Times of Israel.
Адначасова знаходзіцца ў храме змогуць не больш за 50 чалавек; пры гэтым ім давядзецца выконваць шэраг правілаў: між іншым, прыкрываць твар маскай і выконваць сацыяльную дыстанцыю ў два метры. Таксама рэкамендуецца не цалаваць святыні і не дакранацца да іх.
Акрамя таго, наведвальнікаў храму, просяць памятаць пра асабістую адказнасць за здароўе блізкіх і адмовіцца ад наведвання святога месца пры з'яўленні найменшых сімптомаў захворвання.