Як у Беларусі будуць фармаваць цэны на лекі
1- 23.05.2020, 17:25
- 13,893
У Беларусі вызначаны парадак узгаднення коштаў лекавых сродаў.
Камісія ў пытаннях дзяржаўнага рэгулявання цэнаўтварэння пры Савеце міністраў пратаколам ад 19 траўня 2020 г. №32/16пр зацвердзіла «Рэгламент камісіі для разгляду і прыняцця рашэння ў пытаннях фармавання цэн на лекавыя сродкі». Рашэнне прынятае ў рамках рэалізацыі рашэнняў указа прэзідэнта "Аб падтрымцы эканомікі».
Дакумент змяшчае алгарытм дзеянняў вытворцаў, аптовых і раздробных прадаўцоў лекавых сродкаў у выпадках, калі цэны на лекі ўжо зарэгістраваныя, але маюцца дастатковыя падставы іх не ўлічваць.
МАРГ яшчэ раз патлумачыў, як фармаваць кошты на сацыяльна значныя тавары
Суб'екты гаспадарання будуць звяртацца спачатку ў Міністэрства аховы здароўя, якое за тры дні праверыць паўнату і дакладнасць пададзеных дакументаў, падрыхтуе выснову аб мэтазгоднасці ўзгаднення цаны і накіруе дакументы ў Міністэрства антыманапольнага рэгулявання і гандлю. МАРГ на працягу 7 рабочых дзён арганізуе разгляд матэрыялаў на пасяджэнні камісіі. У дадатку да рэгламенту таксама прыведзеныя формы дакументаў, што падаюцца.
Вынікі разгляду з указаннем дапушчальных цэн будуць публікавацца на сайце МАРГ. Падрабязныя каментары міністэрства размешчаныя на яго афіцыйным сайце.