Каранавірус распаўсюджваецца па населеных пунктах Гомельскай і Магілёўскай абласцей

Заражэнне знойдзена ў школах Жлобіна, Гомеля, Горак, а таксама ў вёсках Кіраўскага раёна.

«Каранавірус распаўсюджваецца па школах Жлобіна Гомельскай вобласці: у школе №12 настаўнік з пацверджаным Ковідам ляжыць у шпіталі, вучань 7 класа - кантакт першага ўзроўню, клас на карантыне, падобная сітуацыя ў школах №13 і №2, а таксама ў гімназіях №1 і №8», - піша чытач тэлеграм-канала «Баста!».

«У студэнта Гомельскага дзяржаўнага машынабудаўнічага каледжа - станоўчы тэст. Два тыдні хадзіў на заняткі», - паведамляе падпісант.

«У гомельскай школе №43 ёсць у некалькіх супрацоўнікаў пацверджаны каранавірус, яны знаходзяцца на бальнічным. Яшчэ ў прыватнай стаматалогіі некалькі супрацоўнікаў з «каронай», яны ўсе ляжаць у лякарні. У аднаго супрацоўніка бацькі з «каронай», у іншага таксама ёсць блізкія сваякі з дыягназам», - піша жыхар Гомеля.

«Магілёўская вобласць, Клімавічы. Успышка каранавіруса, захварэлі лекары і медсёстры», - паведамляе падпісант.

«Магілёўская вобласць, Кіраўскі раён, вёска Барсукі, сельскагаспадарчае прадпрыемства «Ніва Барсукі». У адміністрацыі ёсць заражаныя і кантакты першага ўзроўню. На працы ўсяго 4-5 чалавек з канторскіх. Трактар не лечыць.

Школа ў вёсцы Паўловічы Кіраўскага раёна. Там шмат дзяцей з тэмпературай і настаўнікі таксама хварэюць. Карантын ніхто не ўводзіць. Тэсты не бяруць», - піша чытач.

«Магілёў, праспект Шміта, 60. Прыязджала меддапамога. Двое былі ў ахоўных касцюмах і з'ехалі без чалавека. Хутчэй за ўсё хтосьці на самаізаляцыі там», - паведамляе сведка.

«Магілёўская вобласць, Горкі. Сярэдняя школа №4. Каранавірус у настаўніка матэматыкі», - піша чытач.

«У доме для састарэлых у пасёлку Леніна Горацкага раёна Магілёўскай вобласці - буйны асяродак Covid-19. Гатэль адвялі пад «кавідных» і звозяць туды людзей ва ўзросце», - паведамляе падпісант.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю вольнай Беларусі.