Falcon 9 паспяхова прайшла выпрабаванні перад запускам Crew Dragon
17- 23.05.2020, 18:40
- 20,375
Запуск Crew Dragon стане гістарычным для NASA.
Кампанія SpaceX паспяхова правяла выпрабаванні сваёй ракеты-носьбіта Falcon 9 перад падрыхтоўкай да запуску. Ужо ў гэтую сераду ракета павінна вывесці касмічны карабель Crew Dragon, паведамляе «Зеркало недели».
«Статычныя агнявыя выпрабаванні завершаныя», - гаворыцца на старонцы кампаніі ў Twitter. Запуск ракеты-носьбіта адбудзецца са стартавай пляцоўкі на мысе Канаверал.
Запуск Crew Dragon стане гістарычным для NASA. На гэты момант для дастаўкі астранаўтаў на МКС выкарыстоўваюцца расейскія «Союзы», якія стартуюць з касмадрома «Байканур». Падчас запуску 27 траўня карабель павінен будзе даставіць на станцыю двух астранаўтаў NASA - Дугласа Хэрлі і Боба Бенкен. Амерыканскі касмічны карабель даставіць астранаўтаў на МКС упершыню з 2011 года.