У Міжземным моры адбыўся магутны землятрус

Эпіцэнтр знаходзіўся непадалёк ад паўднёва-заходніх берагоў Турцыі.

У ноч на 28 траўня ў Міжземным моры адбыўся землятрус магнітудай 4,9.

Як паведамілі ва Управе прадухілення і ліквідацыі наступстваў надзвычайных сітуацый пры ўрадзе Турцыі, падземныя штуршкі зафіксаваныя а 04:09 паводле мясцовага часу, піша «Анадолу».

Эпіцэнтр падземных штуршкоў размяшчаўся ў 290-295 км ад берагоў раёна Датча правінцыі Мугла на паўднёвым захадзе Турцыі.

Ачаг землятрусу залягаў на глыбіні 6,05 км.

Ахвяр і разбурэнняў у выніку землятрусу няма.