Ва Украіне адмовіліся ад ідэі аднавіць імпарт электраэнэргіі з Беларусі
11- 28.05.2020, 17:45
- 19,836
Абмежаванні прадоўжацца як мінімум да канца 2021 года.
В.а. міністра энэргетыкі Украіны Вольга Буславец выступіла супраць аднаўлення імпарту электраэнэргіі з Расеі і Беларусі як мінімум да канца 2021 года. Пра гэта яна заявіла на брыфінгу ў міністэрстве 28 траўня, піша liga.net.
"Нагадаю, што адной з першых пастановаў Антыкрызіснага штаба было прыпыненне імпарту электраэнэргіі з Расеі і Беларусі да канца 2021 года або да адкрыцця для нашай генерацыі доступу на гэтыя рынкі", – сказала ён.
Паводле ейных словаў, яна не разумее, як можна набываць электраэнэргію ў суседзяў, калі ў сваёй краіне прафіцыт. "Я мяркую, гэта недапушчальна", – сказала на заканчэнне Буславец.