У пятніцу ў Беларусі чакаецца да +23 градусаў

Прагназуецца моцны вецер.

Аранжавы ўзровень небяспекі аб'яўлены ў Беларусі 29 траўня праз моцны вецер, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Міністэрства прыроды.

У пятніцу будзе воблачна з праясненнямі. Уначы ў паўднёвым усходзе краіны пройдуць дажджы, навальніцы, часам моцныя дажджы. Раніцай і ўдзень на большай частцы тэрыторыі таксама прагназуюцца дажджы, месцамі магчымыя навальніцы і моцныя дажджы. Вецер будзе паўночны, паўночна-ўсходні 5-10 м/с, парывы будуць дасягаць 14 м/с, а ўначы на паўднёвым усходзе і ўдзень у многіх раёнах краіны парывы будуць да 15-18 м/с.

Тэмпература паветра ўначы будзе плюс 7-13 градусаў. Дзённая тэмпература складзе 12-18 градусаў цяпла, на паўднёвым усходзе - плюс 19-23 градуса.

Сіноптыкі таксама папярэджваюць пра ветранае і дажджлівае надвор'е 30 і 31 траўня.