Украіна адкрыла межы з Малдовай і краінамі ЕЗ
- 29.05.2020, 9:44
- 14,189
Але не з Беларуссю.
Украіна адкрыла 66 пунктаў пропуску на мяжы з краінамі ЕЗ і Малдовай апоўначы ў пятніцу, паведаміў прадстаўнік Дзяржаўнай памежнай службы Украіны Андрэй Дземчанка «Украінскай праўдзе».
Ва Украіне адкрываюцца 66 пунктаў пропуску, часова зачыненымі застаюцца 56.
- Паўнавартасна ўсе 66 кірункаў змогуць функцыянаваць толькі тады, калі сумежныя баку адкрыюць пункты пропуску са свайго боку, - адзначыў Дземчанка.
Усе адкрытыя пункты пропуску размешчаныя на мяжы з Малдовай і краінамі ЕЗ.
Дземчанка нагадаў, што пастанова аб адкрыцці не тычыцца пунктаў пропуску на мяжы Украіны з Расеяй і Беларуссю, яны, як раней, застануцца зачыненымі.