Reuters: «Раснафце» не стае нафты для экспарту

Без сыравіны могуць застацца і расейскія НПЗ.

Расейская кампанія «Раснафта» сутыкнулася з дэфіцытам нафты для паставак замежным пакупнікам паводле доўгатэрміновых кантрактаў праз скарачэнне здабычы ў рамках угоду OPEC+.

Пра гэта паведамляе Reuters са спасылкай на чатыры крыніцы ў галіны.

Кампанія праінфармавала Мінэнэрга РФ, што не гатовая да падаўжэння скарачэння вытворчасці на запланаваным у траўні-чэрвені ўзроўні, бо ўжо адчувае нястачу нафты для выканання неабходных паставак на ўнутраны рынак і экспарт, даведалася агенцтва.

«Яны («Раснафта») спрабуюць наскрэбці нафту на экспарт і не пакінуць пустымі заводы. У іх жа абавязанні наконт паліва. У траўні на НПЗ былі рамонты, карантын, а ў чэрвені загрузка патрэбная. На ўсіх не стае», - сказаў Reuters адзін з трэйдараў.

Са слоў крыніц, «Раснафты» ў чэрвені давялося значна скараціць пастаўкі на адрас найбуйнейшых пакупнікоў яе марскіх грузаў - гандлёвых кампаній Glencore і Trafigura.

Агенцтва адзначае, што «Раснафта» рэалізуе амаль увесь аб'ём нафты паводле доўгатэрміновых кантрактаў, што не дазваляе кампаніі лёгка скараціць экспарт. Але ўмовы пагадненняў даюць ёй магчымасць пераходзіць да мінімуму аб'ёмаў у выпадку нястачы сыравіны, што яна і робіць, адзначаюць трэйдары.

У выніку Glencore атрымае толькі два грузы нафты Urals аб'ёмам па 100 000 тон кожны з перапраўкай у чэрвені (восем у красавіку да скарачэння здабычы), а Trafigura - адзін (10 у красавіку).

«Для «Раснафты» гэта пакута: ім трэба і заводы забяспечваць, і выконваць абавязацельствы паводле кантрактаў. А нафты няма», - сказала яшчэ адна крыніца.

Пагадненне краін OPEC+ аб зніжэнні здабычы нафты ў траўні-чэрвені на 9,7 млн барэляў за дзень увайшла ў дзеянне з 1 траўня. Экспэрты адзначаюць сігналы паступовага аднаўлення попыту на нафту і нафтапрадукты.