Годзе карміць рэжым
16- Павел Севярынец
- 31.05.2020, 19:55
- 47,937
Палітык заклікаў да ўсенароднага эканамічнаму байкоту.
Сустаршыня Беларускай хрысціянскай дэмакратыі Павел Севярынец заклікаў жыхароў Віцебска, якія прыйшлі падтрымаць Святлану Ціханоўскую, да ўсенароднага страйку, паведамляе «Белсат».
На пікеце для збору подпісаў за вылучэнне кандыдатаў у прэзідэнты ў Віцебску Павел Севярынец, сустаршыня аргкамітэту партыі Беларуская хрысціянская дэмакратыя, заклікаў беларусаў выходзіць на мітынгі супраць дзейнай улады, а таксама падтрымаць незаконна затрыманых актывістаў, у тым ліку і блогера Сяргея Ціханоўскага:
Сустаршыня БХД заклікаў людзей не баяцца і рыхтавацца да масавых мітынгаў, а таксама доўгага эканамічнаму байкоту:
Віцебск натхніў. Палова выступоўцаў казала па-беларуску, гукалі "Жыве Беларусь!", "Свабоду Ціханоўскаму!", ""Стоп таракан!" і "Верым, можам, пераможам!"
— Павел Севярынец (@sieviaryniec) May 31, 2020
Бел-чырвона-белыя сцягі. Сонечна.
Агулам - больш за 1000 чалавек.
Дамовіліся, што праз тыдзень нас будзе больш! pic.twitter.com/MuYOBRSZCY
«Мы можам не захоўваць грошы ў «Беларусбанку» і забіраць адтуль свае ўклады! Мы з вамі можам не запраўляцца на «Белнафтахіме»! Мы можам не купляць у «Еўраопце» і «Кароне» - гэта партманэты Лукашэнкі. Мы можам не купляць у «Табакерках». Эканамічны байкот рэжыму! Годзе карміць рэжым!»
Людзі адказалі воклічамі «Стоп прусак!» і «Жыве Беларусь!».
«Калі хтосьці можа проста прыйсці і паставіць подпіс - стаўце. Але гэтага мала. Калі хтосьці можа выказацца ў сацыяльных сетках - рабіце гэта. Але гэтага мала. Калі спатрэбіцца выходзіць на адзіны агульны пратэст, усім разам, па ўсёй Беларусі - выходзьце! Гэтага магчыма будзе дастаткова! Калі не - тады страйк і эканамічны байкот!» - заклікаў Павел Севярынец.