30 траўня 2020, Субота, 7:51
Сім сім, Хартыя 97!
Рубрыкі

Імя гэтай персоны стане праклёнам у тысячах сем'яў, якія страцілі сваіх родных

76
Імя гэтай персоны стане праклёнам у тысячах сем'яў, якія страцілі сваіх родных
ФОТА: BELTA.BY

Заражэнне паводле загаду.

Калі людзі заражаюцца небяспечнай хваробай з неасцярожнасці - гэта бяда. Калі іх заражаюць наўмысна - гэта ўжо цяжкае крымінальнае злачынства.

Такое злачынства адбываецца цяпер - тысячы вайскоўцаў, якія прынеслі прысягу выконваць загады начальнікаў, заражаюць каранавірусам, ганяючы ў шчыльным шыхце на шматлікіх трэніроўках да параду.

Апафеоз заражэння наступіць 9 траўня, калі да іх у дадатак будуць заражаць яшчэ тысячы цывільных людзей, таксама паводле загаду сагнаных на трыбуны параду.

Чаму чыніцца гэтае злачынства? Каму трэба паставіць у небяспечную сітуацыю ўсіх гэтых людзей, іх родных і блізкіх? Хто выкарыстоўвае дзяржаўную ўладу і пачуццё абавязку вайскоўцаў, каб прымусіць іх пайсці на гэтую бессэнсоўную рызыку? І, галоўнае, дзеля чаго?

Кожны знойдзе свае адказы на гэтыя пытанні. Але ў аснове кожнай з меркаваных намі прычын будуць інтарэсы, псіхічны стан або жаданне адной персоны. Імя якой неўзабаве стане праклёнам у тысячах сем'яў, якія страцілі сваіх родных.

Выратуем сябе і сваіх блізкіх - вызвалім краіну ад звар'яцелага дыктатара.

Мікалай Статкевіч, «Фэйсбук»