Медыкі расказалі пра простыя спосабы панізіць узровень цукру ў крыві
5- 9.05.2020, 11:29
- 31,484
Усе яны могуць ужывацца ў хатніх умовах.
Як паведамляе cursorinfo.co.il, медыкі паказалі простыя спосабы, якія дазваляюць самастойна панізіць узровень цукру ў крыві. Адзін з іх – гэта ўжыванне ўсяго салодкага строга невялікімі порцыямі.
Акрамя таго, пры праблеме павышанага цукру для ягонага зніжэння трэба імкнуцца да нізкавугляводнага харчавання. У першую чаргу неабходна адмаўляцца ад хутка засваяльных вугляводаў, якія ўтрымліваюцца ў салодкіх, мучных, крухмалістых прадуктах, а таксама ўжываць дастаткова бялку.
Рацыён з высокім утрыманнем бялку зніжае ўзровень цукру ў крыві пры захворванні на дыябет, канстатуюць навуковыя спецыялісты.
Іншы просты спосаб – пачаць ужываць цынамон. Быў праведзены эксперымент, у якім удзельнічалі хворыя на цукровы дыябет людзі. Ім даданне ў рацыён цынамону дапамагло знізіць паказнік сярэдняга ўтрымання цукру ў крыві за тры месяцы да 29%.
Фізічная актыўнасць таксама з'яўляецца эфектыўным і простым спосабам панізіць утрыманне цукру ў крыві. Для гэтага яе аб'ём павінен складаць мінімум тры гадзіны на тыдзень.
Медыкі раяць плаванне: гэты від трэніровак пераважны для многіх, паколькі не робіць ціску на суставы, як іншыя актыўныя віды фізічных нагрузак.
Яшчэ адным простым спосабам панізіць узровень цукру ў крыві з'яўляецца піццё вады. У дастатковай колькасці яна прадухіляе абязводжванне, дапамагае ныркам выводзіць лішні цукар з арганізма з мачой. Акрамя ўжывання вады трэба ўнікаць салодкіх напояў, падкрэслілі эксперты.
Медыкі паказалі на тое, што людзям з падвышаным узроўнем цукру варта ў любым выпадку рэгулярна здаваць аналізы і кансультавацца.