У Расеі хочуць забараніць біткоін

Таксама могуць быць забароненыя і іншыя міжнародныя крыптавалюты.

Дзярждума апублікавала тэкст законапраекта «Аб лічбавых фінансавых актывах» да другога чытання. У ім прадстаўлены новы варыянт рэгулявання крыптасферы: новаўвядзенні наўпрост забараняюць не толькі абарачэнне ў Расеі крыптавалют, выпушчаных не пад унутраным рэгуляваннем, але і майнінг і нават рэкламу. Пад абмежаванні падпадае біткоін, экспэрты ацэньваюць страты бюджэту ад выключэння майнінга больш чым на $2 млрд за год, піша The Bell.

Улады хочуць увесці вызначэнні лічбавай валюты і лічбавых фінансавых актываў. Пад першае азначэнне трапляе практычна ўсякая крыптавалюта, пад другое - лічбавыя актывы, кантраляваныя Цэнтрабанкам, і каштоўныя паперы. З актывамі грамадзяне змогуць здзяйсняць угоды без абмежаванняў, а каб валодаць лічбавымі валютамі легальна, іх давядзецца задэклараваць у падатковай інспекцыі.

Лічбавыя валюты, выпушчаныя не ў Расеі, для выкарыстання ў краіне забароненыя. Але калі грамадзянін хоча працаваць з крыптавалютай, ён можа рабіць гэта на замежных пляцоўках, да адказнасці яго прыцягваць не будуць, сказаў «Коммерсанту» кіраўнік думскага камітэта фінансавых рынкаў Анатоль Аксакаў.

Адказнасць пагражае распрацоўнікам кампутарных гульняў, у якіх ёсць унутраная гульнявая валюта, а таксама інтэрнэт-карыстальнікам, што здзяйсняюць онлайн-набыткі з дапамогай распаўсюджанай у інтэрнэце практыкі прыняцця дамоваў аферты, папярэджваюць экспэрты Цэнтра кампетэнцый «Сколкава».

Законапраект устанаўлівае адказнасць за распаўсюд інфармацыі аб арганізацыі і (або) ажыццяўленні выпуску, а таксама аб арганізацыі абарачэння лічбавай валюты. Пад такую забарону здольнае патрапіць усякае паведамленне ў сацыяльных сетках (мэсэнджар), публікацыя ў СМІ і на інтэрнэт-рэсурсах, якія згадваюць распрацоўнікаў тэхналогіі блокчэйн або ўсякую інфармацыю аб развіцці рынку ў Расеі і за мяжой. Пры парушэннях рэсурс будзе заблакаваны Раскамнаглядам.

Удзельнікі рынка назвалі такую версію законапраекта, якая абмяжоўвае правы грамадзян і бізнэсу. Як патлумачыў «Коммерсанту» партнёр Taxology Міхаіла Успенскага, самае жудаснае, што законапраект цалкам блакуе легальны продаж асноўных сусветных крыптавалют у Расеі, у першую чаргу біткоіна і Ethereum.