4 лiпеня 2020, Субота, 2:04
Сім сім, Хартыя 97!
Рубрыкі

Як за некалькі хвілін беларусы сабралі грошы на штраф веласіпедысту з Камароўкі

33
Як за некалькі хвілін беларусы сабралі грошы на штраф веласіпедысту з Камароўкі
ФОТА: GAZETABY.COM

У нядзелю падчас легальнага пікету Ціханоўскага Яўген Гормаш заступіўся за аўтамабілістаў перад даішнікамі.

Яўгена Гормаша абвінавачвалі ў тым, што ён «лаяўся матам» і «пляваў у даішніка». Сёння яго аштрафавалі на 50 базавых велічыняў (1350 рублёў), піша «Салідарнасць».

Яўген Гормаш - той самы веласіпедыст, якога ў нядзелю затрымалі на Камароўцы падчас легальнага пікету Святланы Ціханоўскай.

- Я толькі крычаў «Ганьба» і «Сорам» (тое ж самае, толькі на беларускай мове) супрацоўніку ДАІ. Іншых парушэнняў я не здзяйсняў, - напісаў Яўген на краўдфандынгавай пляцоўцы molamola.by.

У дачыненні да Гормаша склалі тры пратаколы: «дробнае хуліганства»; «Непадпарадкаванне законнаму распараджэнню ці патрабаванню службовай асобы пры выкананні ім службовых паўнамоцтваў»; «Парушэнне парадку арганізацыі або правядзення масавых мерапрыемстваў».

- Па ідэі ў пратаколе павінны былі апісаць інцыдэнт з ДАІ, але ніхто не знайшоў час і напісалі ўсялякую лухту ў выглядзе «абразаў мінакоў», «лаяўся матам», «ставіўся непаважліва да грамадзян». Масавыя мерапрыемствы ўзяліся са столі. Непадпарадкаванне было натуральным, калі не разумееш за што цябе валакуць.

За лічаныя хвіліны неабыякавыя беларусы сабралі 2455 рублёў. Гэтая сума перавышае суму штрафу, таму Яўген Гормаш наважыў перадаць рэшту пацярпелым актывістам «Краіны для Жыцця». Ён падзякаваў усім, хто дапамог яму.

Нагадаем, 31 траўня падчас збору подпісаў за вылучэнне кандыдатам у прэзідэнты Святланы Ціханоўскай каля Камароўкі ў сталіцы сабралася вялізная чарга. Кіроўцы што праязджалі там, падтрымлівалі сігналамі гэтых людзей.

Супрацоўнікі ДАІ спынялі машыны і штрафавалі кіроўцаў. Гормаш абурыўся такімі іх дзеяннямі і крыкнуў «Ганьба!». Двое ДАІшнікаў паспрабавалі яго затрымаць, але некалькі жанчын маладога чалавека «адбілі». Пазней высветлілася, што Гормаша затрымалі людзі ў цывільным каля яго дома, забралі ў мікрааўтобус разам з роварам.