Першы кіраўнік незалежнай Беларусі назваў дзеянні Лукашэнкі ідыятызмам

«Саша 3%» так мітусіцца, бо саступіць.

Першы старшыня Вярхоўнага Савета Беларусі Станіслаў Шушкевіч у эфіры НСН патлумачыў, навошта Лукашэнку спатрэбілася напярэдадні «выбараў» звальняць міністраў.

«Ён павінен паказваць нейкую дзейнасць. Я наогул не ведаю такога ідыятызму, каб перад выбарамі распускаць урад. Быццам ён перакананы, што яго павінны пераабраць. У яго цяпер рэйтынг 3%. Урад павінен падтрымаць фальсіфікацыю выбараў, бо відавочна, што ён у іх саступіць. Таму ён мітусіцца», - адзначыў першы кіраўнік незалежнай Беларусі.

Суразмоўца НСН падкрэсліў, што электарат Лукашэнкі сёння складаецца ў краіне з людзей, якія нічога не разумеюць, што адбываецца навокал.

«Яму важна, каб была паслухмянасць. Узровень жыцця ў Беларусі ўтрая ніжэйшы, чым у Польшчы, Літве, Латвіі і Эстоніі. Ён давёў да гэтага стану, клапоцячыся толькі пра сваю улады. Ён мяркуе, што трэба жыць у рэжыме ручнога кіравання і пазаэканамічнага прымусу. Ён увесь час сядзіць у тэлевізары, каб захаваць за сабой самую цёмную публіку, якая нічога не разумее. На шчасце, яго адсотак вельмі малы. Калі ў нас абвяшчаюць, што будуць збіраць подпісы за кагосьці, акрамя Лукашэнкі, чэргі ўтвараюцца», - дадаў Шушкевіч.