Усё кіраўніцтва Горацкага РАУС заразілася каранавірусам

Таксама на карантын закрыты райвыканкам.

Чытачы з Горак Магілёўскай вобласці пішуць Telegram-каналу «Баста!» аб новых асяродках каранавіруса. Заражэнне знойдзенае ў РАУС і райвыканкаме.

«Усё кіраўніцтва Горацкага РАУС хварэе. Намеснікі начальніка - дома з лісткамі непрацаздольнасці з пацверджаным дыягназам COVID-19.

У горадзе вельмі шмат хворых. Райвыканкам закрыты на карантын, унутр нікога не пускаюць. Многія дзяржаўныя арганізацыі таксама ўвялі абмежаванні праз вялікую колькасць заражаных», - піша работнік Горацкага РАУС.

«Чацвёра работнікаў ААТ «Малочныя горкі» - з пацверджаным дыягназам COVID-19. На прадпрыемстве адзін раз праводзілі санапрацоўку, але кантакты дагэтуль ходзяць на працу», - піша чытач.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю вольнай Беларусі.