Гарадзенскія рыбакі б'юць трывогу: на Нёмане масавы мор рыбы
11- 14.06.2020, 19:59
- 30,356
Людзі кажуць, што бачылі нейкую алеістую плёнку на вадзе.
Гарадзенскія рыбакі б'юць трывогу - на Нёмане масавы мор рыбы. Два дні ў супольнасці «Вконтакте» гарадзенскіх аматараў рыбалкі «Рыбалка ў Гародні» з'яўляюцца фатаграфіі мёртвай рыбы. Гарадзенцы ўжо паведамілі пра здарэнне ў Гародзенскі абласны камітэт прыродных рэсурсаў і аховы навакольнага асяроддзя і інспекцыю прыродных рэсурсаў і аховы навакольнага асяроддзя, піша tut.by.
Удзельнікі супольнасці пішуць, што мёртвую рыбу бачылі ў цэнтры горада, каля Каложскай царквы і пляжу на вуліцы Паповіча, а таксама каля плаціны ГЭС: уверх чэравам плавалі вылікія судакі, чырванакніжныя вусачы, плоткі і акуні. У супольнасці нават выклалі відэа, на якім бачны мёртвы бабёр.
Гарадзенскія рыбакі кажуць, што бачылі нейкую алеістую плёнку на вадзе, а таксама адчувалі непрыемны пах, які ідзе ад ракі.
Аднак, што дакладна адбылося на рацэ - павінны высветліць спецыялісты.