Бабруйчанін: «Тытанік» Лукашэнкі наскочыў на айсберг

Трэшчына пайшла, адсекі затапляюцца.

Сёння прэтэндэнт на пасаду прэзідэнта Беларусі Віктар Бабарыка наведаў пікет збору подпісаў у Бабруйску.

На пікет прыйшло шмат людзей і вось, што сказаў адзін з іх:

- Раскажыце, што адбываецца ў Бабруйску?

- Стаяць пікеты, людзі падпісваюцца за альтэрнатыўных кандыдатаў. Раней не было такога, каб людзі самі ў чарзе выстройваліся. Гэта бачу ўпершыню.

- Вы за каго падпісаліся?

- Я паставіў подпіс за Віктара Бабарыку і Святлану Ціханоўскую. Самі разумееце, я не тое, каб за іх. Проста патрэбныя перамены. Мы ж разумеем, што трэба, каб прыйшоў, напрыклад, Бабарыка, каб адбыліся перамены. Праз пяць гадоў мы зможам выбраць іншага прэзідэнта.

Мне сённяшняя сітуацыя нагадвае фільм «Тытанік». Нібыта, са слоў Лукашэнкі, пабудаванае «магутная сацыяльная дзяржава», але ён не разумее, што ўжо дзесьці судна наскочыла на айсберг. Трэшчына пайшла, адсекі затапляюцца. Рана ці позна яно пойдзе на дно.

На гэтых «выбарах» пераможа беларускі народ. Нешта ў краіне ўжо перакулілася. Прыкметна, што сітуацыя пайшла не згодна з яго планам. Ведаеце, гэта як жонка з нялюбым мужам, ён трымае яе пад замком, грошы дае нейкія. Яна прыбірае, але хоча вырвацца ад яго, знайсці іншага, а ён - не, стой тут. Не хочаш - паклічу суседа Колю, мы замкнём цябе ў пакоі і будзеш чакаць лепшага жыцця. Але гады праходзяць, яна старэе і мы старэем.

Увогуле, чакаем перамен, спадзяёмся!