Варламаў: Лукашэнка рыхтаваўся да сумнага спектакля, але выявілася, што ён безнадзейна састарэў
15- 2.06.2020, 17:04
- 81,593
Усведамленне гэтага факту ў Беларусі «прыйшло практычна імгненна».
Расейскі блогер Ілля Варламаў выпусціў відэаролік на Youtube, прысвечаны беларускім «выбарам», піша gazetaby.com.
- На «выбарах», якія адбудуцца 9 жніўня, ён відавочна рыхтаваўся да чарговага сумнага спектакля, але нечакана выявілася, што ён безнадзейна састарэў, - мяркуе блогер.
На думку Варламава, усведамленне гэтага факту ў Беларусі «прыйшло практычна імгненна»:
- Каталізатарам паслужыў, вядома ж, каранавірус. Беларусь стала адной з краін, якія афіцыйна ў пандэмію не вераць. Лукашэнка проста заплюшчыў вочы на каранавірус: ніякага рэжыму ізаляцыі не ўвёў, адмаўляў і адмаўляе пагрозу да апошняга.
І раптам выявілася, што людзі паміраюць, а Лукашэнка праводзіць футбольныя матчы, людзі хварэюць, а ён праводзіць парад.
Беларусь вырвалася на першыя месцы ў свеце з разліку ў колькасці захварэлых на мільён насельніцтва. А самыя адданыя прыхільнікі Лукашэнкі: адмінрэсурс, настаўнікі, лекары ўбачылі, што дыктатар папросту неадэкватны.
Са слоў Варламава, менавіта «наплявацельскае стаўленне на пагрозу здароўю людзей» і стала апошняй кропляй, якая выклікала імклівае змяненне грамадскіх настрояў беларусаў.