СААЗ назвала колькасць вакцын, што распрацоўваюцца ў свеце супраць каранавіруса
- 2.06.2020, 21:39
- 19,174
Большасць з іх знаходзяцца на даклінічнай стадыі выпрабаванняў.
Сусветная арганізацыя аховы здароўя паведаміла, што ў свеце распрацоўваюць 133 патэнцыйных вакцыны супраць COVID-19. Большасць з іх знаходзяцца на даклінічнай стадыі выпрабаванняў.
Пра гэта піша CNN.
Як адзначаецца, 10 патэнцыйных вакцын праходзяць клінічныя выпрабаванні ў ЗША, Вялікабрытаніі і Кітаі. Пры гэтым 123 з іх знаходзяцца на даклінічнай стадыі выпрабаванняў, між іншым, у Такійскім універсітэце, універсітэце Тулэйн, універсітэце Альберты і ўніверсітэце Піцбурга.