29 сакавiка 2024, Пятніца, 11:02
Падтрымайце
сайт
Сім сім,
Хартыя 97!
Рубрыкі

Генерал Хафтар пагадзіўся на перамовы па перамір'і ў Лівіі

2
Генерал Хафтар пагадзіўся на перамовы па перамір'і ў Лівіі
ХАЛІФ ХАФТАР

З красавіка мінулага года Хафтар спрабуе захапіць сталіцу Трыпалі.

Лівійскі генерал Халіфа Хафтар, што супрацьстаіць ураду ў Трыпалі, даў згоду на аднаўленне перамоў аб спыненні агню.

Пра гэта паведаміла дапаможная місія ААН у Лівіі (UNSMIL), адзначыўшы, што на кантакты згодны і Урад нацыянальнай згоды (УНЛ), што падтрымліваецца сусветнай супольнасцю. Гаворка ідзе пра перамовы ў фармаце «пяць плюс пяць» - з удзелам пецярых высокапастаўленых вайскоўцаў ад кожнага з бакоў, што варагуюць, паведамляе svoboda.org.

Лівійскае нацыянальнае войска на чале з Хафтарам, якое базуецца на ўсходзе краіны, з красавіка мінулага года вядзе наступ з мэтай захопу сталіцы Трыпалі, дзе размяшчаецца УНЛ. За апошнія тыдні баявыя дзеянні прыкметна актывізаваліся. Сілы УНЛ пры падтрымцы Турцыі выціснулі атрады Хафтара з шэрагу раёнаў на паўночным захадзе краіны. Але напярэдадні Лівійскае нацыянальнае войска (ЛНВ), якое карыстаецца падтрымкай Аб'яднаных Арабскіх Эміратаў, Егіпта і Расеі, абвясціла, што ёй удалося адваяваць частку тэрыторый, піша Reuters.

Масква афіцыйна не падтрымлівае адзін з бакоў канфлікту. Раней турэцкі лідар Рэджэп Эрдаган не раз сцвярджаў, што ў Лівіі дзейнічаюць блізу двух тысяч наймітаў з Расеі. А Афрыканскае камандаванне Узброеных сіл ЗША на мінулым тыдні заявіла, што Расея нядаўна перакінула ў Лівію не менш за 14 баявых самалётаў, якія размешчаныя на паветранай базе ЛНА ў цэнтральнай частцы краіны.

Напісаць каментар 2

Таксама сачыце за акаўнтамі Charter97.org у сацыяльных сетках