«Усё значна больш сумна за афіцыйную статыстыку»: COVID «косіць» Ельскі раён

Эпідэмія ахапіла вёскі, а таксама дзіцячыя сады і школы райцэнтра.

Каранавірус распаўсюджваецца па Ельскім раёне Гомельскай вобласці. Заражаныя ёсць у вёсках Зашыр'е і Добрынь, а таксама ў дзіцячых садках і школах райцэнтра, паведамляе тэлеграм-канал «Баста!».

«Усё значна больш сумна за афіцыйную статыстыку, – піша чытач канала. – У вёсцы Зашыр'е ўвялі маскавы рэжым, там памерла першая жанчына, хутчэй за ўсё, ад кароны. У вёсцы Дабрынь зачынена школа ўжо больш за тыдзень, гэта раней чым патрэбна.

У садку "Залаты ключык" у Ельску выяўленая "карона" ў супрацоўніцы. Таксама ёсць заражаны вартаўнік у сярэдняй школе №2, усіх кантактаў першага ўзроўню выправілі сядзець дома на самаізаляцыі. Сам вартаўнік паспеў пагутарыць амаль з усім працоўным персаналам, акрамя настаўнікаў. Заражаныя супрацоўнікі хуткай і частка медработнікаў у лякарні.

Хворых ужо відавочна больш за 30. Гэта толькі тыя выпадкі людзей, якія ведаю асабіста. Многія ходзяць на працу з прыкметамі "кароны", але многім усё адно. Адзіны плюс – гэта тое, што да пачатку пандэміі ў Ельску старым лекарам на пенсіі прапанавалі як мінімум звольніцца на час пандэміі, інакш памерлых ад "кароны" было б у разы больш».

Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.