У Швэцыі з'явілася вакансія, дзе не трэба працаваць
14- 3.06.2020, 17:18
- 41,683
Працаўніку будуць плаціць $2300.
«Працу мары» прапануюць суіскальнікам у Швэцыі. Гэта праца, на якой не трэба працаваць. Ад супрацоўніка патрабуецца ездзіць на станцыю ў Гётэбаргу, каб уключаць і выключаць святло ў пачатку і ў канцы працоўнага дня. Працадаўца ўжо атрымаў 125 заявак з усяго свету, паведамляе «Швэдскае радыё», піша korrespondent.net.
У апісанні вакансіі паказваецца, што аклад будзе выплачвацца да канца жыцця.
Свае заяўкі на працу даслалі суіскальнікі не толькі са Швэцыі, але і з ЗША, Філіпін, Тайваня і іншых краін.
Аўтарамі праекта пад назвай Вечная пасада з'яўляюцца мастакі Сымон Голдзін і Якаб Сенебю. Яны гатовыя плаціць заробак 2,3 тысячы даляраў.
Ад супрацоўніка патрабуецца ў пэўны час раніцай і ўвечары прыязджаць на новабудоўлю станцыі Korsvägen у Гётэбаргу і ўключаць/выключаць там электрычнасць. У астатні час чалавек вольны.
Аўтары арт-эксперыменту збіраюцца плаціць заробак цягам 120 гадоў. Сродкі на гэта выдзелілі Швэдская мастацкая рада і Управа транспарту.
Атрымаць «працу мары» можа жыхар Гётэборга ці ахвотны туды пераехаць.
Арт-эксперымент накіраваны на прыцягненне ўвагі да няроўнасці ў грамадстве, якая з кожным годам толькі расце.