28 сакавiка 2024, Чацвер, 15:26
Падтрымайце
сайт
Сім сім,
Хартыя 97!
Рубрыкі

Прыбыццё амбасадаркі ЗША ў Беларусь чакаецца сёлета летам

6
Прыбыццё амбасадаркі ЗША ў Беларусь чакаецца сёлета летам
ДЖУЛІ ФІШЭР
ФОТА: STATE.GOV (OFFICIAL WEBSITE)

Прэзідэнт ЗША вылучыў на пасаду амбасадара ў Беларусі Джулі Фішэр.

Прыбыццё ў Менск амбасадаркі ЗША ў Беларусі чакаецца летам сёлета. Пра гэта паведаміла журналістам часовы павераны ў справах ЗША Джэніфер Мур, паведамляе БелТА.

Дыпламатка сёння ўзяла ўдзел у памятнай цырымоніі на месцы пахавання аднаго з удзельнікаў знакамітай сустрэчы на Эльбе Аляксандра Сільвашкі. Фатаграфія, дзе ён паціскае руку амерыканскаму лейтэнанту Уільяму Робертсану, стала хрэстаматыйнай, азнаменаваўшы сустрэчу хаўруснікаў у антыгітлераўскай кааліцыі.

«Я рада знаходзіцца тут у той момант, калі нашы двухбаковыя стасункі паляпшаюцца, калі ўжо гэтым летам у Беларусь прыедзе наш амерыканскі пасол і нашы народы выявяць, што ў нас ёсць больш агульнага, чым рознага», - сказала Джэніфер Мур.

Прэзідэнт ЗША Дональд Трамп вылучыў на пасаду амбасадара ў Беларусі намесніцу памочніка дзяржсакратара ў справах Заходняй Еўропы і ЕЗ Джулі Фішэр. Яна можа стаць першай амбасадаркай ЗША ў Беларусі з 2008 года. Да гэтага яна з'яўлялася намесніцай пастаяннага прадстаўніка ЗША пры NATO, часовым павераным у справах ЗША ў Расеі, працавала ў амерыканскіх пасольствах у Грузіі і Украіне.

Напісаць каментар 6

Таксама сачыце за акаўнтамі Charter97.org у сацыяльных сетках