Арсень Дзядок: А 19:00 выходзьце на гаўбцы, бразгачыце рондалямі, усміхайцеся адзін аднаму
- 30.06.2020, 15:36
- 11,187
І так - да перамогі, кожны вечар.
Моладзевы лідар і ўдзельнік грамадзянскай кампаніі "Еўрапейская Беларусь" Арсень Дзядок звярнуўся да сваіх аднагодкаў, паведамляе прэс-служба грамадзянскай кампаніі "Еўрапейская Беларусь".
"Па-першае, хацелася б павіншаваць нас усіх, - сказаў ён. - Нас - 97 адсоткаў. 97 працэнтаў тых, хто хоча жыць у Беларусі без Лукашэнкі.
Але гэтага недастаткова. Нам трэба дзейнічаць разам, салідарна. Я б хацеў запрасіць вас далучыцца да агульнанацыянальнага Флэшмобу салідарнасці з барацьбітамі за свабоду. Кожны дзень а 19.00 на 2 хвіліны адкрывайце вокны, выходзьце на гаўбцы, уключайце музыку, пляскайце ў ладкі, стукайцеся ў рондалі, усміхайцеся адзін аднаму.
І так - да перамогі, кожны вечар".
Беларускія блогеры і актывісты прапанавалі праводзіць Флэшмоб салідарнасці. Мэта акцыі - падтрымаць медыкаў, якія змагаюцца за нашы жыцці і герояў, якія цяпер знаходзяцца за кратамі.
Кожны дзень а 19:00 на знак салідарнасці адкрываем вокны кватэр, выходзім на балконы, пляскаем у ладкі, стукаем у рондалі або ўключаем музыку. Усяго 2 хвіліны - але кожны дзень і да перамогі!
Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.