Штат Арызона зноў закрываецца на карантын
- 30.06.2020, 16:05
- 12,388
Абмежаванні ўводзяцца тэрмінам на 30 дзён і закрануць бары, спартовыя залы, кінатэатры і аквапаркі.
Бары і трэнажорныя залы ў Арызоне зноў закрываюцца прынамсі на 30 дзён у сувязі з успышкай каранавіруса ў гэтым штаце, абвясціў губернатар Даг Дзьюсі, паведамляе «Голас Амерыкі».
Абвешчаная Дзьюсі месячная паўза, якая таксама закране кінатэатры і аквапаркі, ўвайшла ў дзеянне ўвечары ў панядзелак.
Губернатар таксама забараніў мерапрыемства з удзелам больш чым 50 чалавек, фактычна забараніўшы масавыя святкаванні з нагоды Дня незалежнасці 4 ліпеня.
Органы аховы здароўя Арызоны паведамілі ў нядзелю, што ў штаце зарэгістраваныя яшчэ 3 858 выпадкаў каранавіруса.