Прэм'ер Украіны: Гатовы сысці ў адстаўку ў любы момант, калі народ, Рада ці прэзідэнт выкажуць такую думку

Дзяніс Шмыгаль заявіў, што на дзяржаўнай пасадзе няма гарантый ад звальнення.

Прэм'ер-міністр Украіны Дзяніс Шмыгаль «у любы момант» гатовы сысці з пасады. Пра гэта ён заявіў «BBC News Україна» ў інтэрв'ю, поўная версія якога была апублікаваная 30 чэрвеня.

«Ніякіх абяцанняў па тэрмінах на пасадах ніхто нікому не дае, не даваў і не можа даваць. Ключавое пытанне - гэта адказнасць перад Украінай і ўкраінцамі, і гэта ключавы параметр, якога трэба прытрымлівацца. Таму не можа быць гарантыі на пасады, гэта не прыватны бізнэс... Гатовы сысці ў адстаўку ў любы момант, калі народ Украіны, Вярхоўная Рада ці прэзідэнт выкажуць такую думку», - сказаў прэм'ер-міністр.

4 сакавіка Вярхоўная Рада адправіла прэм'ер-міністра Аляксея Ганчарука ў адстаўку. За гэтае рашэнне прагаласавалі 353 народныя дэпутаты. Пасля гэтага кіраўніком урада быў прызначаны Шмыгаль.

У той жа дзень Вярхоўная Рада зацвердзіла персанальны склад Кабінета Міністраў Украіны на прапанову Шмыгаля.