Нямеччына выдасць €130 мільярдаў еўраў на ажыўленне эканомікі
1- 4.06.2020, 9:29
- 11,217
Да канца года ў краіне будзе зніжана стаўка ПДВ, сем'ям выплацяць па 300 еўраў на дзіця.
Урадавая кааліцыя ФРГ - блок хрысціянскіх партый ХДУ/ХСУ і Сацыял-дэмакратычная партыя (СДП) узгадніла так званы кан'юнктурны пакет на суму 130 млрд еўраў для пераадолення эканамічных наступстваў пандэміі каранавіруса SARS-CoV-2. Пра гэта паведаміла ў Бэрліне канцлерка ФРГ Ангела Мэркель (Angela Merkel) познім вечарам у сераду, 3 чэрвеня, пасля 12-гадзінных кансультацый, паведамляе dw.com.
"Нам трэба будзе даць рады найцяжэйшаму эканамічнаму крызісу ў гісторыі ФРГ. Мы хочам разам выйсці з яго моцнымі і заклалі сёння добры падмурак для гэтага", - падкрэсліла Мэркель.
Kanzlerin #Merkel zu #Konjunkturpaket und #Zukunftspaket: Wir haben die schwerste Krise in der wirtschaftlichen Entwicklung in der bundesdeutschen Geschichte zu bewältigen. Wir wollen gemeinsam stark wieder herauskommen und dafür haben wir heute einen guten Grundstein gelegt. pic.twitter.com/IIHfiUCPaD
— Steffen Seibert (@RegSprecher) June 3, 2020
Усяго дакумент складаецца з 57 пунктаў. Сярод асноўных захадаў - зніжэнне падатку на дададзеную вартасць (ПДВ) з 19 да 16 адсоткаў з 1 ліпеня да канца 2020 года. Льготная стаўка ПДВ у гэты перыяд таксама будзе зніжана - з 7 да 5 адсоткаў. Акрамя таго, сем'і атрымаюць аднаразовую выплату сумай 300 еўраў на кожнае дзіцяці. З 2021 года за кошт дзяржаўных субсідый будуць зменшаны кошты на электрычнасць для насельніцтва і бізнэсу. Павялічацца субсідыі на куплю электрамабіляў.
У дакуменце закладзена і дадатковая дапамога для галін, найбольш пацярпелых ад локдаўна - перш за ўсё турыстычнага і рэстараннага бізнэсу. На перыяд з чэрвеня да жніўня на гэтыя мэты закладзена да 25 млрд еўраў.