Міністрам культуры і інфармацыйнай палітыкі Украіны стаў экс-кіраўнік тэлеканала «1+1»
4- 4.06.2020, 12:38
- 11,171
Гэтая пасада была вакантнай тры месяцы.
Вярхоўная Рада Украіны прагаласавала за прызначэнне міністрам культуры і інфармацыйнай палітыкі Аляксандра Ткачэнкі, народнага дэпутата ад Слугі народа і былога медыямэнэджара. Пасада кіраўніка Мінкульта была вакантнай тры месяцы, піша «Новое время».
За такую пастанову прагаласавалі 263 народныя дэпутаты на пасяджэнні парламента ў чацвер, 4 чэрвеня.
Аб раптоўнай пастанове фракцыі вылучыць кандыдатуру Ткачэнкі на пасаду міністра культуры стала вядома 1 чэрвеня. Дагэтуль яго разглядалі як кандыдата ў мэры Кіева, выбары якога пройдуць у кастрычніку. Ён ужо вылучыў сваю кандыдатуру на праймерыз ад «Слугі народа».
Да абрання народных дэпутатаў Ткачэнка 11 гадоў узначальваў холдынг «1+1 медыя», які належыць алігарху Ігару Каламойскаму.