21 кастрычнiка 2020, Серада, 5:52
Сім сім, Хартыя 97!
Рубрыкі

У Францыі скасавалі вайсковы парад да Дня ўзяцця Бастыліі

2
У Францыі скасавалі вайсковы парад да Дня ўзяцця Бастыліі

Замест яго 14 ліпеня адбудзецца ўрачыстая цырымонія на плошчы Згоды.

У Францыі праз пандэмію каранавірусу традыцыйны вайсковы парад, прысвечаны нацыянальнаму святу – Дню ўзяцця Бастыліі, замянілі ўрачыстай цырымоніяй.

Пра гэта ў чацвер паведамілі ў Елісейскім палацы, піша «Еўрапейская праўда» са спасылкай на BFM-TV.

Замест параду 14 ліпеня адбудзецца ўрачыстая цырымонія на плошчы Згоды, у якой будуць удзельнічаць французскія ВПС.

Колькасць удзельнікаў будзе абмежаваная 2 тысячамі чалавек і прыкладна 2,5 тысячамі гасцей.

Падчас цырымоніі ўшануюць вайсковых і медыцынскіх работнікаў, якія змагаюцца з эпідэміяй каранавірусу.

Нагадаем, Сенат Францыі прагаласаваў за падаўжэнне надзвычайнага становішча ў галіне аховы здароўя да 10 ліпеня.

Раней Францыя перанесла другі тур мясцовых выбараў на 28 чэрвеня праз пандэмію каранавірусу.