Кошт нафты Brent перавысіў $42 у чаканні сустрэчы ОРЕС+

Сустрэча краін-экспарцёраў можа прайсці 6 чэрвеня.

Кошт жнівеньскага ф'ючэрса на нафту маркі Brent на лонданскай біржы ICE вырас на 4,86%, да $41,9 за барэль на 15:47 паводле Менску. Максімальнае значэнне цягам гандлёвай сесіі склала $42,46, сведчаць звесткі таргоў, паведамляе РБК.

Ф'ючэрс на амерыканскую нафту маркі WTI з пастаўкай у ліпені расце на 4,79%, да $39,2 за барэль.

Кошт нафты маркі Brent падняўся прыблізна на $41 за барэль у чаканні пасяджэння ОРЕС+. У суботу, 6 чэрвеня, удзельнікі ўгоды разгледзяць пытанне падаўжэння існых рэкордных скарачэнняў здабычы нафты на 9,7 млн барэляў на дзень на больш доўгі тэрмін. У адпаведнасці з угодай, укладзенай у красавіку, з 1 ліпеня зніжэнне здабычы ўдзельнікамі альянсу павінна паменшыцца з з 9,7 млн да 7,7 млн барэляў на дзень.

У траўні не ўсе ўдзельнікі змаглі выканаць узятыя на сябе абавязацельствы. У сувязі з парушэннем квот правядзенне сустрэчы ўдзельнікаў ОРЕС+ выявілася пад пытаннем. Паводле папярэдніх звестак, у мінулым месяцы краіны ОРЕС выканалі ўгоду прыкладна на 75%. У траўні Ірак скараціў здабычу толькі напалову.

Краіны, якія недавыканалі свае абавязацельствы ў траўні, кампенсуюць гэты аб'ём вялікімі скарачэннямі ў ліпені і верасні, паведаміла агенцтва Bloomberg. Існыя абмежаванні на здабычу, якія дзейнічаюць у траўні і чэрвені, могуць падоўжыць яшчэ на адзін ці два месяцы.