Новыя асяродкі каранавірусу ў Гомельскай вобласці: Памерла супрацоўніца ААТ «СветлагорскХімвалакно»

Інфекцыя «накрыла» Светлагорскі раён.

З'явілася інфармацыя пра новыя асяродкі каранавірусу ў Светлагорскім раёне Гомельскай вобласці. Памерла супрацоўніца ААТ «СветлагорскХімвалакно», піша тэлеграм-канал «Баста!».

«Вельмі мала навінаў пра Светлагорск. А і тут жа хварэюць людзі. Ёсць хворыя на прадпрыемстве "Хімвалакно", на ЦЭЦ, сярод камунальнікаў, прадаўцоў. Як мінімум два чалавекі памерлі, адна з іх працавала на ААТ "Хімвалакно"», – паведамляе падпісант канала.

«Выпадкі захворвання на каранавірус ёсць у пасёлку Сасновы Бор Светлагорскага раёна Гомельскай вобласці. Як мінімум чатыры чалавекі з пнеўманіяй і пацверджаным захворваннем на каранавірус знаходзяцца на лячэнні ў Светлагорскай ЦРБ», – піша чытач канала.

Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.