13 лiпеня 2020, панядзелак, 17:24
Сім сім, Хартыя 97!
Рубрыкі

Памёр вікарый Навагрудскай епархіі ўладыка Пётр

Памёр вікарый Навагрудскай епархіі ўладыка Пётр

У яго быў каранавірус.

6 чэрвеня пасля цяжкай і працяглай хваробы, ускладненай каранавіруснай інфекцыяй, памёр схіепіскап Дзятлаўскі Пётр, вікарый Навагрудскай епархіі (намеснік епіскапа), паведамляе church.by.

Схіепіскап Пётр (Віктар Пятровіч Карпусюк) нарадзіўся 5 студзеня 1959 года ў Берасцейскай вобласці. З дзіцячых гадоў быў выхаваны набожнай маці ў хрысціянскай веры. Службу ў войску праходзіў блізу сцен Сергіеўскаў Лаўры ў Маскоўскай вобласці. Скончыў Маскоўскую духоўную семінарыю ў 1982 годзе, пасля чаго прыняў манаскі пострыг, вучыўся ў Маскоўскай духоўнай акадэміі.

У ліпені 1992 года быў пасвечаны ў епіскапа Тураўскага і Мазырскага, са снежня 2004 года быў прызначаны кіраўніком Бабруйскай епархіі, затым быў біскупам Друцкім, вікарыем Віцебскай дыяцэзіі. Са снежня 2013 года ўладыка Пётр прызначаны біскупам Смаргонскім, вікарыем Навагрудскай епархіі.