Рыэлтарка з Барысава: Трэба мяняць нашу краіну, колькі можна?

Беларусы хочуць лепшага для сваіх дзяцей.

Пра гэта сайту ex-press.by распавяла 34-гадовая рыэлтарка Марына з Барысава:

- На «выбары» пайду, калі дапусцяць майго кандыдата. Хоць бы паспрабую ўзяць удзел у змене нашага жыцця. Ніколі не галасавала за дзейнага, проста ігнаравала «выбары». Цяпер думаю, што трэба мяняць гэтую краіну.

Колькі можна? Не магу ўявіць, што ва ўсім гэтым балоце будзе жыць мой сын. Не толькі эканамічная палітыка мяне не задавальняе, а ўсё. Таму мяркую, што адным з законаў, якія трэба ўвесці найбліжэйшым часам новаму прэзідэнту - аб абавязковым аглядзе вышэйшых асобаў дзяржавы на прадмет псіхічнага здароўя.