Выкладчык універсітэта: У мяне вялікі стаж, але выжыць за заробак немагчыма

На пікеты для збору подпісаў за альтэрнатыўных кандыдатаў прыходзяць беларусы з розных сфер.

Па ўсёй Беларусі сёння праходзяць легальныя пікеты ў падтрымку Сяргея і Святланы Ціханоўскіх, а таксама іншых альтэрнатыўных кандыдатаў. У многіх гарадах становяцца чэргі з ахвотных паставіць подпіс.

На пікеце ў Мннску выказаўся выкладчык універсітэта:

- Я тут, таму што мяне вельмі хвалюецца эканамічная сітуацыя ў краіне.

Калі прыходзіш у паліклініку, не можаш атрымаць адпаведную меддапамогу. Кажуць: «Калі вам трэба УГД, ідзіце ў платны цэнтр. Калі хочаце адрамантаваць зуб, у нас няма матэрыялу». А людзі спраўна плацяць падаткі.

У беларускіх спецыялістаў добрая адукацыя. Яны працуюць у Крамянёвай даліне, у Еўропе, але ў Беларусі яны не запатрабаваныя.

Беларус не можа купіць сабе кватэру. Для гэтага яму трэба працаваць усё жыццё, ягонай жонцы і яе бацькам. Гэта вельмі хвалюе.

У нас знішчылі адукацыйную сістэму. Я сам працую ва ўніверсітэце. Такая мізэрны заробак, што добрыя спецыялісты там не застаюцца. У мяне вялікі стаж, але я вымушаны пакінуць сферу адукацыі, бо за гэтыя грошы выжыць немагчыма. Тыя выкладчыкі, якія там працуюць, займаюцца дабрачыннасцю.

Хвалюе стан нашых пенсіянераў. Яны цяпер вымушаны з працягнутай рукой стаяць. Гэта непавага дзяржавы да паджылых людзей.

Я мяркую, што трэба ўжо ўсё мяняць. Беларусы прыйшлі сюды ратаваць нацыянальную ідэю і эканоміку.

Сайт Charter97.org вядзе онлайн-трансляцыю з легальных пікетаў па ўсёй Беларусі.