29 сакавiка 2024, Пятніца, 1:24
Падтрымайце
сайт
Сім сім,
Хартыя 97!
Рубрыкі

Штаб Цапкалы абскардзіць адбракоўку выбаркамамі подпісаў за ягонае вылучэнне

33
Штаб Цапкалы абскардзіць адбракоўку выбаркамамі подпісаў за ягонае вылучэнне
ВАЛЕРЫЙ ЦАПКАЛА

Палітык абмяркоўвае са сваёй камандай план далейшых дзеянняў.

Штаб прэтэндэнта кандыдата ў прэзідэнты Валерыя Цапкалы мае намер абскардзіць пастановы тэрытарыяльных выбарчых камісій, забракаваных подпісаў за ягонае вылучэнне кандыдатам у прэзідэнты, паведаміў БелаПАН прэс-сакратар Цапкалы Аляксей Урбан.

Ён расказаў, што Цапкала абмяркоўвае з чальцамі свайго штаба план далейшых дзеянняў - чакаецца ягоная заява.

- Вядома, абавязкова мы будзем усё абскарджваць. Мы здавацца або спыняцца не збіраемся, - заявіў Урбан.

30 чэрвеня ЦВК агучыў імёны прэтэндэнтаў, якія працягнуць удзел у барацьбе за прэзідэнцкае крэсла. Са звестак ЦВК, экс-кіраўнік ПВТ і дыпламат Валерый Цапкала не сабраў дастаткова подпісаў: пасля праверак у яго засталося 75 249 подпісаў. Раней Цапкала заяўляў, што ягоная ініцыятыўная група сабрала больш за 200 тысяч подпісаў, у выбаркамы было здадзена 160 тысяч.

Патрэбны парог на 100 тысяч подпісаў пераадолелі, паводле звестак ЦВК, 6 прэтэндэнтаў. У Віктара Бабарыка - 165 744, у Лукашэнкі - нібыта 1 939 572, у Ганны Канапацкай - 146 588, у Сяргея Чэрачня - 143 109 у Андрэя Дзмітрыева - 106 841, у Святланы Ціханоўскай - 104 757.

Цікава, што раней Ганна Канапацкая казала, што здала ў камісіі 110 тысяч подпісаў. У звестак ЦВК ж адзначана, што пасля ўсіх праверак у Канапацкай засталося 146 588 сапраўдных подпісаў. Сяргей Чэрачань здаў у камісіі 106 тысячаў подпісаў, ЦВК даў справаздачу, што ў яго пасля праверак - 143 109. Дзмітрыеў здаў 107 тысяч, пасля праверкі ля яго выявілася 106 841 подпіс. ЦВК і прэтэндэнты 30 чэрвеня заявілі, што было здадзена больш подпісаў, чым раней агучвалася ў СМІ.

Напісаць каментар 33

Таксама сачыце за акаўнтамі Charter97.org у сацыяльных сетках