«Газпром» вярнуў Польшчы $1,5 мільярда пераплаты за газ
- 1.07.2020, 10:23
- 9,941
Пастанову аб кампенсацыі прыняў Арбітражны суд Стакгольма.
Як паведамляе "Еўрапейская праўда", пра гэта ў Twitter напісаў кіраўнік PGNiG Ежы Квяцінскі.
"З задавальненнем паведамляю - я толькі што атрымаў пацверджанне, што сродкі ад "Газпрама" ўжо на нашым рахунку", - напісаў ён.
Z zadowoleniem informuję - właśnie otrzymałem potwierdzenie, że pieniądze od @GazpromEN są już na naszym koncie #PGNiG 👍
— Jerzy Kwieciński (@JerzyKwiecinski) July 1, 2020
Нагадаем, у сакавіку 2020 Арбітражны суд Стакгольма вынес пастанову аб справе паміж PGNiG з аднаго боку і "Газпрамам" і "Газпрам экспартам" - з другога. Справа тычылася кошту, што дзейнічае пры пастаўках газу ў Польшчу паводле Ямальскага кантракту.
Суд змяніў коштавую формулу на карысць польскага боку, звязаўшы яе з еўрапейскім рынкам. Новая, больш нізкая цана будзе прымяняцца да паставак, якiя ажыццяўляюцца з 1 лістапада 2014 года, калі PGNiG падала заяўку на перагляд гэтай формулы.
