Нямеччына прыняла пасаду старшыні ў Еўрапейскай Радзе
- 1.07.2020, 13:00
- 8,436
Раней кіроўны орган Еўразвязу ўзначальвала Харватыя.
Апоўначы 1 ліпеня Нямеччына пачала старшынства ў Еўрапейскай радзе на наступныя паўгода - яна прыняла яго ад Харватыі.
Аб гэтым паведамляецца на сайце нямецкага старшынства ЕР, піша «Громадске».
«З паўночы Нямеччына прыняла старшынства ў Еўрапейскай радзе. У Бэрліне Брандэрбуржская брама была падсвечаная лагатыпам нямецкага старшынства і яго дэвізам на наступныя шэсць месяцаў - «Разам да аднаўлення Еўропы», - гаворыцца ў паведамленні.
Паказана, што на Нямеччыну кладзецца вялікая адказнасць за аднаўленне Еўразвязу пасля крызісу COVID-19, захаванне і развіццё еўрапейскай салідарнасці і абароны ўніверсальных каштоўнасцяў.
Таксама краіна павінна рабіць крокі да развязання важных задач будучыні: супрацьдзеяння кліматычным зменам і «зялёнай» трансфармацыі эканомікі, лічбавага развіцця і ўмацавання пазіцый ЕЗ на сусветнай арэне.
«Нямеччына хоча быць рухавіком і пасярэднікам (у перамовах - рэд.) падчас старшынства ў Еўрапейскай радзе. Наша задача - будаваць масты і шукаць развязанні, якія будуць прыносіць карысць усім у Еўропе», - заявіў міністр замежных спраў Германіі Хайка Маас.
Нагадаем, з 1 студзеня 2020 года кіроўны орган Еўрапейскага Звязу ўзначальвала Харватыя. Краіна старшынявала ў Радзе ЕЗ цягам паўгода.