Як камунальнікі падтрымліваюць невядомых «партызан»
8- 1.07.2020, 15:28
- 46,131
Бітва на мурах беларускіх гарадоў прадаўжаецца.
Telegram-канал "Баста!" публікуе ліст супрацоўніка камунальных службаў. Ён распавёў пра падтрымку тых, хто пакідае на мурах пратэстныя графіці.
"У нас вельмі дадалося нагрузкі апошнім часам, - кажа ён. - Нас адпраўляюць зафарбоўваць вашы надпісы на сценах. Фарбы бракуе. Плюс сабатаж з нашага боку - па поўнай праграме.
Начальства паспрабавала ўкараніць "інавацыйную" схему. Заікнуліся, што кожны работнік павінен адказваць за "чысціню" свайго ўчастка: з'явіцца надпіс - сам набывай фарбу і зафарбоўвай. Натуральна, начальства было пасланае на сухі лес, у нас па слова ў кішэню не лезуць, а за такія капейкі ахвотных працаваць не знойдуць з агнём. Многія ўжо звольніліся, мая заява таксама на стале ляжыць.
Скажу адно: у іх сіл не стае ўсё зафарбоўваць. З партызанамі ваяваць вельмі цяжка - гэта ўсе вайсковыя стратэгі прызнаюць. А калі ў партызан у тыле ў якасці базы забеспячэння ўся краіна - іх перамагчы немагчыма. Гітлер спёкся на Беларусі, спячэцца і таракан".
Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі..